თბილისის მერი კახა კალაძე გამოეხმაურა BLOOMBERG-ის მილიარდერთა ინდექსის გამოქვეყნებას, რომელშიც მმართველი პარტიის თავმჯდომარე ბიძინა ივანიშვილი ფიგურირებს.
„ბიძინა ივანიშვილს საქართველოში ბიზნესი არ გააჩნია, საზღვრებს გარეთ თუ აქვს შემოსავალი, ღმერთმა მშვიდობაში მოახმაროს”, – თქვა კალაძემ.
BLOOMBERG-ის თანახმად, მიმდინარე 2019 წელს ბიძინა ივანიშვილის ქონება 525 მილიონი დოლარით გაიზარდა.
BLOOMBERG-ის მილიარდერთა რეიტინგში ბიძინა ივანიშვილი 2019 წლის 26 დეკემბრის მდგომარეობით 371-ე ადგილს იკავებს. მილიარდერთა სიაში სულ 500 კაცია.
მილიარდერთა 2019 წლის რეიტინგის მიხედვით, “ქართული ოცნების” თავმჯდომარის ქონება 5,52 მლრდ დოლარს შეადგენს. ამ სიაში ბიძინა ივანიშვილი ერთადერთი მილიარდერია საქართველოდან.
BLOOMBERG-ის მილიარდერების ინდექსის თანახმად, ბიძინა ივანიშვილის ქონება ყველაზე მაღალი იყო 2013 წელს და 6,40 მლრდ აშშ დოლარს შეადგენდა.
Loading ...