კარიბის ზღვაში ძლიერი მიწისძვრის გამო აშშ-ში საქართველოს საელჩო მოქალაქეებს აფრთხილებს

კარიბის ზღვაში 7.7 მაგნიტუდის მიწისძვრის გამო, საქართველოს საელჩომ აშშ-ი სანაპირო ზოლის მიმდებარედ მყოფი საქართველოს მოქალაქეების საყურადღებოდ გაავრცელა შეტყობინება, რომ განმეორებითი ბიძგების და ცუნამის საშიშროების გამო თვალ-ყური ადევნონ და დაემორჩილონ ადგილობრივი ხელისუფლების მითითებებს.

საქართველოს მოქალაქეებისთვის საელჩოს ფეისბუკის გვერდზე გამოქვეყნებულია საკონსულო სამსახურის ტელეფონის ნომერი, რომლითაც შეუძლიათ საჭიროების შემთხვევაში ისარგებლონ.

7.7 მაგნიტუდის მიწისძვრა 28 იანვარს მოხდა კუბიდან სამხრეთში და იამაიკიდან ჩრდილო-დასავლეთში. ძლიერი ბიძგები იგრძნობოდა მაიამიში და კაიმანის კუნძულებზე. მიწისძვრას მოჰყვა კიდევ რამდენიმე ბიძგი, მათ შორის 6.1 მაგნიტუდის.

ინფორმაცია, რომ მიწისძვრამ ეპიცენტრის მახლობლად მდებარე ქვეყნებში მსხვერპლი, ან მასშტაბური ნგრევა გამოიწვია, ჯერჯერობით არ გავრცელებულა.