კანაფის მოხმარება ეპიგენეტიკურ ცვლილებებს იწვევს – კვლევის შედეგები

კანაფის მოხმარება შეიძლება ცვლილებებს იწვევდეს ადამიანის ეპიგენომში. ამის შესახებ 1000-ზე მეტ ადამიანზე ჩატარებული კვლევა იუწყება. ეპიგენომი ერთგვარ გადამრთველთა კომპლექტია, რომელიც ააქტიურებს ან თიშავს გენებს, რათა ჩვენი ორგანიზმის ფუნქციონირება შეცვალოს.

„დავაკვირდით კავშირს მარიხუანას კუმულაციურ (მზარდ) მოხმარებასა და დროთა განმავლობაში მრავალი ეპიგენეტიკური მარკერის ცვლილებას შორის“, — ამბობს ჩრდილო-დასავლეთის უნივერსიტეტის ფეინბერგის სამედიცინო სკოლის ეპიდემიოლოგი ლიფანგ ჰუ.

კანაფი აშშ-ში ფართოდ გამოყენებადი ნივთიერებაა; როგორც ჰუ და მისი კოლეგები პუბლიკაციაში იუწყებიან, ამერიკელების 49 პროცენტს ცხოვრებაში ერთხელ მაინც უცდია მისი გამოყენება. აშშ-ის ზოგიერთ შტატსა და ქვეყანაში ის ლეგალურია, მაგრამ ჯერ ბოლომდე არ არის შესწავლილი მისი ეფექტები ჯანმრთელობაზე.

მკვლევრებმა შეისწავლეს დაახლოებით 1000 ზრდასრული, რომლებიც წინა გრძელვადიან კვლევაში მონაწილეობდნენ; ამ კვლევაში მათ ეკითხებოდნენ 20 წლის განმავლობაში მათ მიერ კანაფის მოხმარების შესახებ. ამ დროის განმავლობაში, კვლევის მონაწილეებმა ორჯერ ჩააბარეს სისხლის ნიმუში, 15- და 20-წლიან წერტილებში. საწყის ეტაპზე ისინი 18-დან 30 წლამდე ასაკის იყვნენ, რასაც „0 წელი“ უწოდეს.

5-წლიანი ინტერვალებით ამ სისხლის ნიმუშების გამოყენებით, ჰუ და მისი ჯგუფი ეპიგენეტიკურ ცვლილებებს სწავლობდა, განსაკუთრებით დნმ-ის მეთილირების დონეს იმ ადამიანებში, რომლებიც ბოლო დროს კანაფს დიდი ხნის განმავლობაში იყენებდა.

გააგრძელეთ კითხვა –