კანადის პრემიერ-მინისტრი ჯასტინ ტრუდო ირპენში ჩავიდა

კანადის პრემიერ-მინისტრი ჯასტინ ტრუდო კიევის რეგიონში ირპინს ეწვია. ამის შესახებ ინფორმაცია უკრაინულ მედიაში ვრცელდება.

მათივე ინფორმაციით, ტრუდოს ადგილზე ირპინის მერი, ალექსანდრ მარკუშინი დახვდა.

,,მე მქონდა კანადის პრემიერ-მინისტრ ჯასტინ ტრუდოსთან საუბრის პატივი. ის ჩამოვიდა ირპინში, რათა საკუთარი თვალით ენახა მთელი ის საშინელება, რაც რუსმა ურწმუნოებმა ჩვენს ქალაქში გააკეთეს. რა თქმა უნდა, ის შოკირებულია. მან დაინახა დამწვარი და მთლიანად დანგრეული არა სამხედრო ობიექტები, არამედ ირპინში მცხოვრები ხალხის სახლები, რომლებიც ბოლო დრომდე ცხოვრებით ტკბებოდნენ და მომავლისთვის საკუთარი გეგმები ჰქონდათ”, – განაცხადა მარკუშინმა.

CNN-ის ინფორმაციით, ჯასტინ ტრუდო ვოლოდიმირ ზელენსკის შეხვდება.