შს მინისტრის მოადგილე ალექსანდრე დარახველიძემ არ უპასუხა ჟურნალისტის კითხვას — რა ნივთიერებებს იყენებდნენ საპროტესტო აქციების დაშლისას 2024 წლის 28 ნოემბრიდან 4 დეკემბრამდე. მისი თქმით, “სუსმა ჩაატარა დეტალური და სრულყოფილი გამოძიება, სადაც ყველა კითხვას, რაც BBC-ის ფილმში იყო დასმული, გაეცა პასუხები”.
“რაც შეეხება პოლიციის მხრიდან გამოყენებულ სპეციალურ საშუალებებს, მისი გამოყენება ხდება მაშინ, როცა ადგილი აქვს მასობრივი არეულობას, ადგილი აქვს მასობრივ თავდასხმებს პოლიციაზე და სახელმწიფო უწყებებზე. მათ შორის, ჩვენ ვნახეთ წინა წლის მოვლენების დროს ადგილი ჰქონდა სახელმწიფო გადატრიალების მცდელობას, საქართველოს პარლამენტის გადაწვის მცდელობას, შესაბამისად, პოლიციამ იმოქმედა კანონის შესაბამისად, გამოიყენა ყველა ის სპეციალური საშუალება, რაც კანონით არის გათვალისწინებული,” — თქვა დარახველიძემ.
შს მინისტრის მოადგილე არ პასუხობს კითხვას — იყო თუ არა ტრიქლორეთილენი გამოყენებული წინა დღეების განმავლობაში გამხსნელად.
“სუსმა გაასაჯაროვა ყველა ის ინფორმაცია, რა კითხვებიც იყო დასმული. კონკრეტულ ნივთიერებებთან დაკავშირებით საჯაროდ არის ხელმისაწვდომი ეს ინფორმაცია და შეგიძლიათ, გაეცნოთ”, — განაცხადა დარახველიძემ.
ჟურნალისტის კიდევ ერთი კითხვა შეეხებოდა სუს-ის განცხადებაში ნახსენებ ინფორმაციას ჩამოწერილი ტრიქლორეთინელის რაოდენობის შესახებ.
Loading ...