იტალიაში 18 ბინის გაქურდვის ბრალდებით საქართველოს 2 მოქალაქე დააკავეს, მესამე ეჭვმიტანილზე კი ძებნა გამოცხადდა.
ინფორმაციას იტალიური მედია ავრცელებს და წერს, რომ იტალიის სამართალდამცავებმა ქართველები ბოლონიაში დააკავეს. პროკურატურის ცნობით, ეჭვმიტანილებმა, რომლებიც ჯგუფურად მოქმედებდნენ, სავარაუდოდ, 2025 წლის პირველ რამდენიმე თვეში 18 სახლი გაქურდეს. დაკავებულები ორგანიზებულად მოქმედებდნენ, დაჯგუფების ერთი წევრი შენობის გარეთ დარაჯის ფუნქციას ასრულებდა, დანარჩენები კი სახლებში შედიოდნენ. იტალიური მედიის ცნობით, ისინი თავდაპირველად კარზე აკაკუნებდნენ, მას შემდეგ რაც დარწმუნდებოდნენ, რომ მეპატრონე სახლში არ იყო, სპეციალურად მოდიფიცირებული ხელსაწყოების გამოყენებით, სახლებში შედიოდნენ. იტალიური მედიის ინფორმაციით, მოპარულია ფული, ძვირადღირებული სამკაულები, ელექტრო მოწყობილობები და ძვირადღირებული ტანსაცმელი.
Loading ...