იტალიაში ძლიერი მიწისძვრა მოხდა

ძლიერი მიწისძვრა მოხდა დღეს დილით იტალიაში,  კალაბრიის სანაპიროსთან ახლოს (რეჯო კალაბრია). მიწისძვრის სიმძლავრემ  5.1 მაგნიტუდა შეადგინა.

ბიძგები მთელ სამხრეთ იტალიაში იგრძნობოდა.

ინფორმაციას AprioriTV ავრცელებს. გამოცემის წერს, რომ  INGV-ის (იტალიის გეოფიზიკისა და ვულკანოლოგიის ეროვნული ინსტიტუტი) წინასწარი მონაცემებით, მიწისძვრის კერა მდებარეობს 64.8 კმ სიღრმეზე.

ადგილობრივი მოსახლეობის ინფორმაციით, ბიძგი მკვეთრად იგრძნობოდა კალაბრიასა და აღმოსავლეთ სიცილიაში, ასევე ფართო არეალში სამხრეთ იტალიის თითქმის ყველა რეგიონში. ზოგიერთ რაიონში მიწისძვრის ხანგრძლივობა 30–40 წამზე მეტს აღწევდა.