ისრაელი ღაზის სექტორის სამხრეთ ნაწილში ცეცხლის დროებით შეწყვეტას დათანხმდა – მედია

ისრაელი ღაზის სექტორის სამხრეთ ნაწილში ცეცხლის დროებით შეწყვეტას დათანხმდა. ამის შესახებ ინფორმაციას „თაიმს ოფ ისრაელი“ სააგენტო „როიტერზე“ დაყრდნობით ავრცელებს. მოძრაობა „ჰამასი“ აცხადებს, რომ ცეცხლის შეწყვეტის შესახებ შეთანხმებასთან დაკავშირებით ინფორმაცია არ აქვს.

ამავე დროს, მედიის ინფორმაციით, გაიხსნება ეგვიპტისა და ღაზის სექტორის სასაზღვრო გამშვები პუნქტი „რაფაჰი“, რათა ღაზის სექტორის მოსახლეობისთვის ჰუმანიტარული დახმარების ჩატანა შესაძლებელი გახდეს.

პარალელურად, ღაზის სექტორის დატოვების საშუალებას მისცემენ უცხო ქვეყნების მოქალაქეებს. გავრცელებული ცნობით, შეთანხმება მიღწეულია აშშ-ს, ეგვიპტესა და ისრაელს შორის.