“ისე იქნევს ამ ვეტოს, როგორც ხმალს“ – ალუდა ღუდუშაური სალომე ზურაბიშვილზე

სალომე ზურაბიშვილი ტელეკამერების წინ ვეტოს ისე იქნევს, როგორც ხმალს – ამის შესახებ ჟურნალისტებს “ქართული ოცნების” დეპუტატმა, ალუდა ღუდუშაურმა განაცხადა.

“ისე იქნევს ამ ვეტოს ქალბატონი პრეზიდენტი ტელეკამერების წინ, როგორც ხმალს, ამიტომ მე მას განვუმარტავდი, რომ იქნებ თავის აპარატს უთხრას,რომ ვეტო რა შემთხვევაში შეიძლება იყოს გამოყენებული. არარსებულ კანონზე, როდესაც ასეთ განცხადებას აკეთებს ქალბატონი პრეზიდენტი, მე ვფიქრობ, რომ მან აუცილებლად უნდა, როგორც მინიმუმ დატუქსოს თავისი აპარატის წარმომადგენლები” – ამბობს ალუდა ღუდუშაური.პარლამენტი დღეიდან პრეზიდენტისთვის უფლებების ჩამორთმევის პროცედურას იწყებს.  ცვლილებები შედის საარჩევნო კოდექსში და რეგლამენტში. მალე სალომე ზურაბიშვილის ნაცვლად ცესკოს თავმჯდომარეს და წევრებს პარლამენტის თავმჯდომარე შეარჩევს. კანონში შესატან ცვლილებებზე დღეს იურიდიულმა კომიტეტმა იმსჯელა.