ირპინის მერი – რუსული ძალების მიერ დაბომბვის შედეგად, ევაკუაციის დროს, რვა მშვიდობიანი მოქალაქე დაიღუპა

რუსული ძალების მიერ ინტენსიური დაბომბვის შედეგად, ევაკუაციის დროს, რვა მშვიდობიანი მოქალაქე დაიღუპა კიევის დასავლეთით მდებარე ირპინის რაიონში, – აღნიშნულის შესახებ ირპინის მერმა ალექსანდრე მარკუშინმა “ტელეგრამის” საკუთარ გვერდზე დაწერა. ინფორმაციას CNN ავრცელებს.

მარკუშინმა აღნიშნა, რომ რუსებმა ხიდზე ევაკუაციის დროს ცეცხლი გახსნეს.

„ოჯახი გარდაიცვალა. ჩემს თვალწინ დაიღუპა ორი პატარა ბავშვი და ორი ზრდასრული“ , – დასძინა რაიონის მერმა. ალექსანდრე მარკუშინის თქმით, მართალია ირპინის ნაწილი რუსმა დამპყრობლებმა დაიკავეს, მაგრამ ირპინის ნაწილი იბრძვის და არ ნებდება.

„ირპინი ომშია, ირპინი არ დანებებულა”, – აღნიშნა მარკუშინმა.