ირანის უზენაესი ლიდერი, მოჯთაბა ხამენეი, უგონო მდგომარეობაშია და შიიტების წმინდა ქალაქ ყუმში მკურნალობს. ამის შესახებ ინფორმაციას The Times ავრცელებს. მათი განმარტებით, ამის შესახებ დიპლომატიურ ჩანაწერშია აღნიშნული, რომელიც, სავარაუდოდ, აშშ-სა და ისრაელის სადაზვერვო მონაცემებს ეფუძნება.
არსებული ინფორმაციით, მოჯთაბა ხამენეის ჯანმრთელობის მდგომარეობა მძიმეა, რის გამოც იგი ვეღარ მონაწილეობს გადაწყვეტილებების მიღების პროცესში. თუმცა, ეს ინფორმაცია დამოუკიდებლად ჯერჯერობით არ დადასტურებულა.
The Times აღნიშნავს, რომ ხამენეი უკვე რამდენიმე კვირაა ვერ ახერხებს ისლამური რეჟიმის მართვას.
დოკუმენტში ასევე ნათქვამია, რომ ომის დაწყების შემდეგ ირანის სახელმწიფო ტელევიზიით ხამენეის ორი განცხადება გადაიცა, თუმცა არ გამოქვეყნებულა არანაირი აუდიო ან ვიდეო მასალა, სადაც ის პირდაპირ საუბრობს.
Loading ...