საქართველოს პრეზიდენტის სალომე ზურაბიშვილის სალობიეში ვახშმობისას მომხდარი ინციდენტის შესახებ დასმულ შეკითხვას საპარლამენტო უმრავლესობის წევრმა ირაკლი კობახიძემ უპასუხა.
„სალობიეში თუ ვინმეა, ეს არის თვითონ ოპოზიცია. კრიზისში და სალობიეში ისინი არიან და კარგია რომ მიხვდნენ, სად უნდა მისულიყვნენ”,- თქვა კობახიძემ.
25 ნოემბერს პარლამენტის შენობის წინ საპროტესტო დემონსტრაციის მიმდინარეობისას „ფეისბუქში“ სალობიეში გადაღებული ფოტო გავრცელდა, რომელზეც სალომე ზურაბიშვილი იყო აღბეჭდილი.
რამდენიმე აქტივისტი სალობიეს შესასვლელთან მივიდა და ჯონჯოლი მიიტანა. მათ პრეზიდენტს გამოსვლა და დალაპარაკება მოსთხოვეს.
პრეზიდენტმა სალობიე პოლიციის თანხლებით და შეძახილების („მონა!”, „მონა!”) ფონზე დატოვა.
www.radiotavisupleba.ge
კომენტარები
Loading ...
