სლოვაკეთში 21-წლამდე ფეხბურთელთა შორის ევროპის ჩემპიონატის ფინალში ინგლისის ნაკრებმა გერმანია დამატებით დროში 3:2 დაამარცხა და ზედიზედ მეორედ გახდა ევროპის ჩემპიონი.
ინგლისელებმა სწრაფად მოიპოვეს უპირატესობა და ელიოტისა და ჰატჩისონის გოლებით 25-ე წუთზე 2:0 დაწინაურდნენ. გერმანელებმა დიდი ძალებით შეუტიეს, პირველი ტაიმის ბოლოს, მსაჯის მიერ დამატებულ პირველ წუთზე ერთი გოლი გაქვითეს – თავი ვაიპერმა გამოიჩინა.
მეორე ტაიმში გერმანიამ ანგარიში გაათანაბრა. ძირითადი დრო 2:2 დასრულდა და დამატებით ტაიმები დაინიშნა, რომლის დასაწყისშივე ინგლისელებმა მესამედაც შეძლეს გერმანელთა კარის აღება. დარჩენილ დროში გერმანიამ ანგარიშის გათანაბრება ვეღარ მოახერხა და ინგლისი ზედიზედ მეორედ გახდა ევროპის ჩემპიონი.
შეგახსენებთ, რომ წინა ევროპის ჩემპიონატზე, 2023 წელს, ინგლისის ახალგაზრდულმა ნაკრებმა ევროპის ჩემპიონის ტიტული ბათუმში მოიპოვა.
Loading ...