ილია მეორე – ვითარება არის ძალიან რთული და საშიში

ვითარება არის ძალიან რთული და საშიში – ამ ფონზე საქართველოს ზრუნვა მშვიდობის შენარჩუნებისათვის მისასალმებელია, რაც მომავალშიც უნდა გაგრძელდეს, – ამის შესახებ საქართველოს საპატრიარქოს თანახმად, პატრიარქმა ილია მეორემ წმინდა სინოდის სხდომაზე განაცხადა.

საპატრიარქოს მიერ გავრცელებული ინფორმაციის თანახმად, სხდომაზე ილია მეორემ მოკლედ დაახასიათა მსოფლიოსა და საქართველოში არსებული მდგომარეობა.

„სხდომა გახსნა და დამსწრეთ სიტყვით მიმართა სრულიად საქართველოს კათოლიკოს-პატრიარქმა. მან მოკლედ დაახასიათა მსოფლიოსა და საქართველოში არსებული მდგომარეობა; აღნიშნა რა, რომ საერთაშორისო სივრცეშიც და კონკრეტულ რეგიონებშიც ვითარება არის ძალიან რთული და საშიში და, რომ ამ ფონზე საქართველოს ზრუნვა მშვიდობის შენარჩუნებისათვის მისასალმებელია, რაც მომავალშიც უნდა გაგრძელდეს”, – ნათქვამია საპატრიარქოს საზოგადოებასთან ურთიერთობის სამსახურის მიერ გავრცელებულ ინფორმაციაში.