ივანიშვილი: ქართველებს უნდა მოვუწოდო, რომ ჩვილი ბავშვი უნდა აღზარდოს დედამ

პარტია “ქართული ოცნების” თავმჯდომარემ ბიძინა ივანიშვილმა “იმედისთვის” მიცემულ ინტერვიუში იმაზეც ისაუბრა, თუ როგორ სურს გაატაროს დარჩენილი წლები პოლიტიკიდან წასვლის შემდეგ. მისი თქმით, პოლიტიკიდან წასვლის შემდეგ, ქართველებს მოუწოდებს, რომ “ჩვილი ბავშვი დედამ უნდა აღზარდოს”, რადგან “დედის ინსტიტუტის დანგრევამ ბევრი ადამიანური ფასეულობები დაარღვია”: “ფსიქოლოგიაზე და დედის ინსტიტუტზე მქონდა საუბარი. მე ვფიქრობ, არამარტო საქართველოში, მთელი დღევანდელი მსოფლიო ყველაზე დიდ პრობლემას განიცდის. პრობლემა თითქოს ძალიან მარტივია, მაგრამ არავინ დამნახავი არაა. დედის ინსტიტუტის დანგრევამ ძალიან ბევრი ადამიანური ფასეულობები დაანგრია და დაარღვია. თუ მოვახერხე და დროზე წავედი პოლიტიკიდან, დარჩენილი წლები მინდა ამას მოვახმარო, რომ ქართველებს და საქართველოს მოსახლეობას მოვუწოდო, რომ ჩვილი ბავშვი უნდა აღზარდოს დედამ. კარგია ეს გენდერული თანასწორობა, რაც დღეს ძალიან მოდაშია, იმდენად მოდაშია ამის საწინააღმდეგო სიტყვაც რომ ვთქვა ალბათ… ყველაფერი ეს ძალიან კარგია, მაგრამ…” – ამბობს ივანიშვილი.