იდეალური კვება მამაკაცის სექსუალური ჯანმრთელობისთვის

ხმელთაშუა ზღვის დიეტა შეიცავს მინიმალურ საკვებს ნაჯერი ცხიმებით, ხოლო ცხიმის ძირითადი წყარო არის ექსტრა პირველი დაწურვის ზეითუნის ზეთი.

• გარდა ამისა, ამ დიეტაში შედის დიდი რაოდენობით პარკოსნები, მარცვლეული, ბოსტნეული, ხილი და ყველი.
• ამ დიეტის შესაბამისად, თქვენ უნდა მიირთვათ მინიმალური რაოდენობით წითელი ხორცი, ან მთლიანად გამორიცხოთ მენიუდან, ისევე, როგორც მაღალდამუშავებული საკვები.
• თევზი და ფრინველი უნდა იყოს ზომიერად.

ხმელთაშუა ზღვის დიეტა შესანიშნავი საშუალებაა ნორმალური ერექციის შესანარჩუნებლად დიდი ხნის განმავლობაში. ლიტერატურაში საკმაოდ დიდი რაოდენობითაა პუბლიკაციები ერექციულ ფუნქციაზე ხმელთაშუა ზღვის დიეტის დადებითი ეფექტის შესახებ.

ნახევარფაბრიკატებს, ჩიფსებს, მჟავეს, მარინადებს, ლუდსა და სხვა მავნე სასმელს. ახალგაზრდობისას მსგავსი საკვების უარყოფითი ზემოქმედება შესაძლოა არც გამოვლინდეს, მაგრამ 25 წლის შემდეგ აუცილებლად აისახება ჯანმრთელობაზე.

კაცებს უყვართ ხორცი. ალბათ, ქვეცნობიერად მათ ესმით, რომ ხარისხიანი ცხოველური ცილის გარეშე შესაძლებელია დაქვეითდეს ლიბიდო და გაუარესდეს შრომის უნარი. მაგრამ ყველა სახეობის ხორცი ერთნაირად როდი მოქმედებს. ხბოს, საქონლის, ქათმის, უცხიმო ღორის ან ცხვრის ხორცი მართლაც ატონიზებს ორგანიზმს და აშენებს უჯრედებს (მათ შორის, სასქესოს). მძიმე ხორცი, განსაკუთრებით ცხიმებით, მავნე ნახშირწყლებითა და საკვები ქიმიით გაჯერებული ნახევარფაბრიკატები, სერიოზული ზიანის მომტანია. თუ მამაკაცი სისტემურად მხოლოდ მზა, გაურკვეველი წარმომავლობის ხინკალსა და კატლეტს, ძეხვსა და სოსისებს მიირთმევს, ის ძალიან სწრაფად დაკარგავს სპორტულ ფორმას და იმატებს წონას. კაცისთვის ცხიმი ძალიან სახიფათოა, ის უფრო სწრაფად აისახება ჯანმრთელობის მდგომარეობაზე – გულისა და ღვიძლის პრობლემებით დაწყებული ინტიმური წარუმატებლობით დამთავრებული. ამ ყველაფერს კი მეტაბოლური სინდრომი ეწოდება.