ექსპორტირებული თხილის ღირებულება 37%-ით გაიზარდა – ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.
ინფორმაციის მიხედვით, 2024 წლის 1-ლი აგვისტოდან 2025 წლის 26 იანვრის ჩათვლით 12.2 ათასი ტონა თხილის ექსპორტი განხორციელდა, რომლის ღირებულებამ 73.3 მლნ აშშ დოლარი შეადგინა. გასული წლის ანალოგიურ პერიოდთან შედარებით, ექსპორტირებული თხილის რაოდენობა 1,7 ტონით გაიზარდა, რაც 17%-ით მეტია, ხოლო ღირებულება 19,7 მლნ დოლარით, რაც 37%-ით აღემატება წინა წლის ღირებულებას.
აღნიშნულ პერიოდში, თხილის საშუალო საექსპორტო ფასი 17%-ით გაიზარდა და კილოგრამის ფასმა 6.01 დოლარს მიაღწია.
სამინისტროს ინფორმაციით, ქართული თხილის ექსპორტი, ძირითადად, ევროკავშირის ბაზრებზე ხორციელდება, კერძოდ, იტალიაში, გერმანიაში, ესპანეთში, საფრანგეთში, პოლონეთში, ჩეხეთში, ლიეტუვაში და სხვა. გარდა ევროკავშირის ქვეყნებისა, ექსპორტი განხორციელდა სომხეთში, ჩინეთში, თურქეთში, ისრაელში, რუსეთში, უკრაინასა და სხვა ქვეყნებში.
www.bpn.ge
Loading ...