„თუ „ომიკრონი“ უფრო მეტად გადამდებია, ვიდრე „დელტა“, უნდა ვაღიაროთ, ქვეყანას უფრო ძლიერი ტალღა დაემუქრება“ – ივანე ჩხაიძე

„თუ „ომიკრონი“ უფრო მეტად გადამდებია, ვიდრე „დელტა“, რისი წარმოდგენაც რამდენიმე კვირის წინ შეუძლებელი იყო, მაშინ უნდა ვაღიაროთ, რომ ქვეყანას კიდევ უფრო ძლიერი ტალღა დაემუქრება“, – აღნიშნა ივანე ჩხაიძემ“, – ამის შესახებ იმუნიზაციის ეროვნული საბჭოს ხელმძღვანელმა ივანე ჩხაიძემ განაცხადა.

მისი თქმით, საყურადღებოა, რომ ჯანმოს ასეთი სწრაფი რეაგირება ჯერ კორონავირუსის არცერთი შტამის აღმოჩენაზე არ ჰქონია.

„ჯანმომ ამ შტამს ყველაზე მაღალი კატეგორია მიანიჭა, რომელიც არის „შეშფოთების“ ვარიანტი და ასევე მოულოდნელად მისცა ბერძნული ანბანის მე-15 ასოს სახელი „ომიკრონი“. ასეთი სწრაფი რეაგირება ჯანმოს არცერთ შტამზე არ მოუხდენია.

ეს მუტაცია მართლაც განსხვავებულია. დღეისთვის ითვლება, რომ ამ შტამს 50-მდე სხვადასხვა მუტაცია აქვს. თუ „ომიკრონი“ უფრო მეტად გადამდებია, ვიდრე „დელტა“, რისი წარმოდგენაც რამდენიმე კვირის წინ შეუძლებელი იყო, მაშინ უნდა ვაღიაროთ, რომ ქვეყანას კიდევ უფრო ძლიერი ტალღა დაემუქრება“, – აღნიშნა ივანე ჩხაიძემ.