თურქეთი უკრაინას საჩუქრად გადასცემს „ბაირაქტარს“, რომლის შესაძენადაც თანხას ლიეტუვაში აგროვდებდნენ

თურქეთი უკრაინულ არმიას საჩუქრად გადასცემს იმ „ბაირაქტარს“, რომლის შესაძენადაც თანხას ლიეტუვაში აგროვდებდნენ.

ამის შესახებ ინფორმაციას ლიეტუვის ეროვნული თავდაცვის მინისტრი არვიდას ანუსაუსკასი „ტვიტერით“ ავრცელებს.

„წარმოუდგენელია, მაგრამ თურქეთი ახლახანს დათანხმდა, რომ „ბაირაქტარი“, რომლის შესაძენადაც თანხას ლიეტუვა აგროვებდა, უფასოდ გადასცეს უკრაინას. ეს საოცრებაა. ჩვენს მიერ შეგროვებული თანხით კი „ბარაიქტარისთვის“ საჭირო საბრძოლო მასალას და სხვა აღჭურვილობას შევიძენთ. ეს ფული ასევე დაიხარჯება უკრაინის მხარდასაჭერად. მადლობა თურქეთს“, – წერს ანუსაუსკასი.

როგორც მანამდე უკრაინული მედია იუწყებოდა, ლიეტუველებმა 3,5 დღეში „ბაირაქტარის“ შესაძენად ხუთი მილიონი ევრო შეაგროვეს.

It is UNBELIEVABLE but ?? just agreed to give the Bayraktar that ??gathered money for, ❗️FOR FREE❗️. It is amazing! For the gathered money we will buy the needed ammunition for the Bayraktar and the rest of money will also go for support of ??. Thank you Türkiye! ??????

— Arvydas Anušauskas (@a_anusauskas) June 2, 2022