თურქეთი სრულ ლოკდაუნს აცხადებს და თავის საზღვრებს კეტავს

კორონავირუსის პანდემიიდან გამომდინარე, თურქეთი თავის საზღვრებს კეტავს. ამასთან პრეზიდენტმა ერდოღანმა ქვეყანაში სრული ლოკდაუნი გამოაცხადა, რის  შესახებაც გადაწყვეტილება, მთავრობის სხდომის დასრულების შემდეგ, თავად ერდოღანმა გააცნო მედიას.

პრეზიდენტის განცხადებით, კორონავირუსის ეპიდემიის დაძლევის მიზნით, თურქეთის სახელმწიფომ გადაწყვიტა, რომ 2021 წლის 29 აპრილის 19:00 საათიდან 2021 წლის 17 მაისამდე თავისი სახელმწიფოს საზღვრები ჩაკეტოს.

თურქეთმა 22 აპრილს 19:00 საათიდან კორონავირუსის გავრცელების პრევენციის ფარგლებში, მოქალაქეებს ქუჩაში გასვლა აუკრძალა. ამ აკრძალვის ვადა დღეს ამოიწურა. თურქეთი ამჯერად სრულ ლოკდაუნს აცხადებს – ქვეყანა 18 დღით იკეტება.