რიგით მესამე პაციენტის პირველი ტესტის პასუხი უარყოფითია, ხვალაც თუ უარყოფითი იქნება, მაშინ ისე გამოვა, რომ გაწერაში მესამე გაასწრებს პირველს, – ამის შესახებ ინფექციური საავადმყოფოს გენერალურმა დირექტორმა, თენგიზ ცერცვაძემ ჟურნალისტებს განუცხადა.
როგორც ცერცვაძემ აღნიშნა, პირველ პაციენტს ჯერ კიდევ უფიქსირდება ვირუსის მცირე ნიშნები რის გამოც, მისი გაწერა რამდენიმე დღით გადაიდო.
„პირველ დადასტურებულ შემთხვევაზე, გუშინ ერთი ანალიზი ავიღეთ, რომელიც უარყოფითი იყო. დღეს განმეორებით ანალიზში გამოვიდა მაინც სუსტი დადებითი, ანუ ინფექციის ნიშნები ჯერ კიდევ არის, რის გამოც ამ პაციენტის გაწერა რამდენიმე დღით გადაიდო. მაგრამ გვაქვს სხვა სასიხარულო ინფორმაცია, რომ რიგით მესამე პაციენტი, რომელიც პირველ პაციენტთან ერთად ირანში დაინფიცირდა, მას პირველი ტესტი უარყოფითი აქვს. ხვალ კიდევ ერთი ტესტი გაუკეთდება და თუ ისიც უარყოფითი იქნება, მაშინ ისე გამოვა რომ გაწერაში მესამე გაასწრებს პირველს“,-განაცხადა ცერცვაძემ.
ცნობისთვის, საქართველოში ამ დროის მონაცემებით, კორონავირუსის დადასტურებული შემთხვევა – 33-ია, კარანტინის რეჟიმში 427 პირი იმყოფება, ხოლო სტაციონარში მეთვალყურეობის ქვეშ – 73.
Loading ...