თელავში მასწავლებელი მოსწავლეს ფიზიკურად გაუსწორდა

თელავში ბიოლოგიის პედაგოგი მოსწავლეს ფიზიკურად დაუპირისპირდა. შემთხვევა მეფე ერეკლე II- ის სახელობის საჯარო სკოლაში მოხდა. ფაქტს ადასტურებს სკოლის დირექტორი მაია ოთარაშვილი. მისი განცხადებით, შემთხვევა გაკვეთილის მიმდინარეობისას მოხდა, რაც სათვალთვალო ვიდეო კამერებმაც დააფიქსირა.

„დავწერე წარდგინება და მივმართე სკოლის დისციპლინურ კომიტეტს”, – ამბობს სკოლის დირექტორი.

ბიოლოგიის მასწავლებელი მედიასთან კომენტარს არ აკეთებს. სკოლის შინაგანი წესით გათვალისწინებული რა სასჯელი დაეკისრება პედაგოგს, ამას სკოლის დისციპლინური კომიტეტი გადაწყვეტს.

http://gurjaanitv.com