თბილისში 14 წლამდე ბავშვებს შორის დაპირისპირება მოხდა – ერთმა მოზარდმა დაზიანებები მიიღო

“ვინ, რა, როგორ და რანაირად, სკოლის გარეთ მოხდა დაპირისპირება ბავშვების, თუმცა როგორც მანდატურის სამსახური, ასევე სკოლაც, მთლიანად ჩართულია საკითხის პრევენციისთვის. იძიებს პოლიცია, პოსტებიდანაც ჩანს ეს ყველაფერი, პარალელურად სკოლამ შესაბამისი ორგანოები ჩააყენა საქმის კურსში…რაც არ ვიცი, იმას ვერ გეტყვით. არ მგონია ეგეთი სიტუაცია ყოფილიყო [ხელკეტებით ჩხუბი]. თვითონ ბავშვის ამბავი მოვიკითხე რამდენიმეჯერ და რა ინფორმაციაც მე მაქვს, ჩემს გვერდით იყო და ჩემი გვერდიდან წაიყვანესო და დანარჩენს უკვე სკოლაც მოიკვლევს, დისციპლინური კომიტეტი და მანდატური და პოლიციაც მიხედავს” [ტვ პირველი] | ამბობს სკოლის დირექტორი ირაკლი კუპატაძე.

 30 აპრილს ბავშვის დედამ სოციალურ ქსელში გაავრცელა ინფორმაცია, რომ მის შვილს თავს 4 მოზარდი დაესხა, შედეგად კი სკოლის მოსწავლე ტვინის შერყევით საავადმყოფოში მოხვდა.

მომხდარზე გამოძიებას სსკ-ის 126-ე, ძალადობის მუხლით დაიწყო. ნაცემი მოზარდის ჯანმრთელობის მდგომარეობა დამაკმაყოფილებელია.