თბილისში სტიქიის მაღალი რისკის 32 ზონაა – ნახეთ ჩამონათვალი

გარემოს ეროვნულმა სააგენტომ 2024 წლის გეოლოგიური ბიულეტენი გამოაქვეყნა, სადაც 2025 წლის პროგნოზებზეა საუბარი. დოკუმენტში წერია, რომ დედაქალაქში კვლავ სტიქიის მაღალი რისკის 32 ზონა ნარჩუნდება.

დოკუმენტის თანახმად, აღნიშნული ზონების ნაწილი უკვე შესულია აქტიური მონიტორინგის რეჟიმში, თუმცა გეოდატების განახლება და ინჟინერული ჩარევა კვლავ საჭიროებს პრიორიტეტულ ყურადღებას.

გარდა ამისა, გეოლოგიური ბიულეტენის რეკომენდაციით, გეგმური მშენებლობის დაწყებამდე მაღალი რისკის ზონებში აუცილებელია ინჟინერ-გეოლოგიური კვლევა და ნიადაგის შემდგომი გაძლიერება შესაბამისი პრევენციული ღონისძიებებით.

ტექსტში წერია ისიც, რომ გამომდინარე იქიდან, რომ დედაქალაქში ოპტიმალურად ასათვისებელი ფართობი თითქმის აღარ არის, ქალაქის გაფართოება იმ არეალებში დაიწყო, სადაც ადრე გეოლოგიური და საინჟინრო ნორმებიდან გამომდინარე, მშენებლობა დაუშვებლად ითვლებოდა.

BM.GE გთავაზობთ სრულ სიას სადაც 2025 წელს სტიქიის განსაკუთრებულად მაღალი რისკია

1. დიღმისწყლის ხეობა (თამარ მეფის ჩიხის მიმდებარედ – ღვარცოფის მაღალი რისკი;
2. გლდანისხევის მარჯვენა ნაპირი – ღვარცოფის მაღალი რისკი;
3. გლდანის ხიდების მიმდებარედ დენტრალური საავტომობილო გზა – ქვათაცვენის მაღალი რისკი;
4. აღმაშენებლის ხეივანი – ქვათაცვენის მაღალი რისკი;
5. ფონიჭალის გზატკეცილი – ქვათაცვენის მაღალი საშიშროება;
6. თამარ მეფის და ვახუშტის ხიდის მიმდებარე უბნები – ქვათაცვენის მაღალი რისკი;
7. ვერეს ხეობა. ამირეჯიბის გზატკეცილი – ქვათაცვენის მაღალი რისკი;
8. ქოშიგორას დასახლება – მეწყრის მაღალი საშიშროება;
9. წავკისის ხევი – ღვარცოფის მაღალი რისკი;
10. დაბა წყნეთი, ბაგების ხევი – მეწყრის და ღვარცოფის მაღალი რისკი;
11. ვარაზისხევი – ღვარცოფის და ნაპირის გარეცხვის მაღალი საშიშროება;
12. ვაჭლიჯვრის დასახლება არზაყან ემხვარის ქუჩა – ქვათაცვენის მაღალი საშიშროება;
13. ვაშლიჯვარი, არზაყან ემხუარის ქუჩა (ყვავების გორა) – ქვათაცვენის მაღალი რისკი;
14. ვაკე-საბურთალოს დამაკავშირებელი გზა – ქვათაცვენის მაღალი რისკი;
15. ბაგები, ზანდუკელის ქუჩა – მეწყერის მაღალი რისკი;
16. ბაგები-წყნეთის საავტომობილო გზა – მეწყერის მაღალი რისკი;
17. ნიკოლოზ ბარათაშვილის სანაპირო. რკინიგზის დერეფანი – ქვათაცვენა/კლდეზვავი. აქტიური საშიშროების რისკი მაღალი;
18. წყნეთი-ბეთანიის საავტომობილო გზა – მეწყრის მაღალი რისკი 2 უბანზე;
19. ვაშლიჯვარი-ლისის დამაკავშირებელი გზა – მეწყერის მაღალი რისკი;
20. ავჭალა, ლიბანის ქუჩა – მეწყერის მაღალი რისკი;
21. ხევძმარი – ღვარცოფის მაღალი რისკი;
22. ხევძმარის მარცხენა ფერდი – მეწყრის მაღალი რისკი;
23. ახალდაბის ხევი – ღვარცოფის მაღალი საშიშროება;
24. მუხრან მაჭავარიანის ქუჩის მიმდებარე ტერიტორია (ახალი გზა) – მეწყერის მაღალი რისკი;
25. გლდანი, მშენებარე რკინიგზის დერეფანი – მეწყერის მაღალი რისკი;
26. ახალდაბის “დიდი მეწყერი” – მეწყერის მაღალი რისკი;
27. ვერეს აუზი – ღვარცოფის მაღალი რისკი;
28. ურიდიას ქუჩა – მეწყრის მაღალი რისკი;
29. ვაკე, ტიციან ტაბიძის #24 – კლდეზვავის და მეწყრის მაღალი რისკი;
30. კიკეთი ე.წ. კობის გადასახედის მიმდებარედ – მეწყრის მაღალი რისკი;
31. ცხვედაძის ქუჩა – მეწყერის მაღალი რისკი;
32. ნიკოლოზ ყიფშიძის #6 და გაბაშვილის #9 – მეწყრის მაღალი რისკი.

www.bm.ge