მეხანძრე-მაშველებს რამდენიმე საათი დასჭირდათ თბილისში, სამშენებლო მასალების მაღაზიებსა და ე.წ. მეორადი ტექნიკის ბაზრობაზე 13 იანვარს, საღამოს გაჩენილი ხანძრების სრული ლიკვიდაციისთვის.
საგანგებო სიტუაციების მართვის სამსახურის ინფორმაციით, ქავთარაძის ქუჩაზე, სამშენებლო მასალების მაღაზიებში გაჩენილ ცეცხლს მეხანძრე-მაშველების 14 ჯგუფი აქრობდა. თავიდან იქნა აცილებული ახლომდებარე გაზგასამართ სადგურზე ცეცხლის გავრცელების საფრთხე.
ხანძრის შედეგად დამწვარი ერთ-ერთი მაღაზიის მფლობელმა ნიკა ლოლაძემ ჟურნალისტებს უთხრა, რომ ზარალი დაახლოებით 400 ათასი ლარია.
13 იანვარს, საღამოს ხანძარი გაჩნდა მეველის ქუჩაზე მდებარე მეორეული ტექნიკის ბაზრობაზეც. აქ ცეცხლს მეხანძრე-მაშველების 12 ჯგუფი აქრობდა.
ხანძრების გამომწვევი მიზეზი ჯერჯერობით უცნობია.
კომენტარები
Loading ...