თბილისში, მშვიდობის ხიდთან ხანძრისას ერთი ადამიანი დაშავდა

თბილისში, მშვიდობის ხიდის სიახლოვეს მდებარე ერთ-ერთ სახლში ხანძარი იყო.

როგორც საქართველოს პირველი არხის ჟურნალისტი ადგილიდან იუწყება, ცეცხლი სამსართულიან სახლში გაჩნდა. ხანძარი ამ დროისთვის ლოკალიზებულია.

ადგილზე ექვსი სახანძრო მანქანა მუშაობს. ხანძრის გამომწვევი მიზეზი ჯერჯერობით უცნობია.

ხანძრისას ერთი ადამიანი დაშავდა, რომელიც სამაშველო ჯგუფმა შენობიდან გამოიყვანა. ის კლინიკაშია გადაყვანილი. არსებული ინფორმაციით, დაშავებულის სიცოცხლეს საფრთხე არ ემუქრება.