თალიბანის წარმომადგენელმა Al-Jazeera-სთან თქვა, რომ ავღანეთში ომი დასრულდა, შესაბამისად, დასრულდა არსებული მმართველობის ფორმაც, ახალი რეჟიმი კი მალე გახდება ცნობილი. ამასთან ერთად, თალიბანის წარმომადგენელმა მოსახლეობას უსაფრთხოების გარანტიაც მისცა.
“ჩვენ ყველას ვაძლევთ უსაფრთხოების გარანტიას, მათ შორის მოქალაქეებსა და დიპლომატებს. მზად ვართ, ყველა ავღანელთან გვქონდეს დიალოგი და დავიცვათ ისინი”. – ამბობს თალიბანის წარმომადგენელი მუჰამედ ნაემი.
დღეს, 16 აგვისტოს, თალიბანი ავღანეთში შეიჭრა, რის შემდეგაც ავღანეთის პრეზიდენტმა, აშრაფ ღანიმ ქვეყანა დატოვა. თალიბებმა უკვე აიღეს პრეზიდენტის სასახლე.
აშრაფ ღანის ხელისუფლებიდან ჩამოგდება თალიბანის ერთ-ერთი მთავარი მოთხოვნა იყო სამშვიდობო მოლაპარაკებების დასაწყებად.
რამდენიმე საათის წინ ავღანეთის შინაგან საქმეთა სამინისტრომ გამოაცხადა, რომ დროებით მთავრობას ძალაუფლებას მშვიდობიანად გადასცემენ.
CNN-ის ინფორმაციით, მოსალოდნელია, რომ დროებით მთავრობაში თალიბანისა და პრეზიდენტ აშრაფ ღანის ადმინისტრაციის წევრები შევლენ. ქალაქიდან უცხოელი დიპლომატების ევაკუაცია გრძელდება.
Loading ...