“თავისუფლება საქართველოს მესამე პრეზიდენტს” – იუსტიციის სამინისტროსთან აქცია მიმდინარეობს

ამ წუთებში იუსტიციის სამინისტროსთან მიხეილ სააკაშვილის გათავისუფლების მოთხოვნით აქცია იმართება. სამოქალაქო აქტივისტები მესამე პრეზიდენტის მულტიფუნქციურ საავადმყოფოში გადაყვანას მოითხოვენ.

“თავისუფლება საქართველოს მესამე პრეზიდენტს” – სამოქალაქო აქტივისტებს ამ წარწერით ბანერი აქვთ გაშლილი.

ცნობისთვის, მიხეილ სააკაშილი ციხეში უკვე 25-ე დღეა შიმშილობს. მისი ადვოკატების ინფორმაციით, გუშინ მესამე პრეზიდენტს ანალიზებში ერთ-ერთი სასიცოცხლო სასიცოცხლო მაჩვენებელი კრიტიკულ ზღვრამდე დაეცა.

იუსტიციის მინისტრი ამტკიცებს, რომ პენიტენციურის მე-18 დაწესებულებაში, ყველაფერი მზადაა პაციენტის მისაღებად და მიხეილ სააკაშვილს სამოქალაქო კლინიკაში გადაყვანას გამორიცხავს.

შეგახსენებთ, რომ მესამე პრეზიდენტის ჯანმრთელობის მდგომარეობის მონიტორინგის მიზნით შექმნილი კონსილიუმის დასკვნაა, რომ რეკომენდებულია მიხეილ სააკაშვილის გადაყვანა მრავალპროფილურ კლინიკაში.

ამასთანავე, საქართველოს სახალხო დამცველის განცხადებაში წერია, რომ  მე-18 დაწესებულებაში არსებული ვითარება, სამედიცინო უზრუნველყოფის კუთხით, სრულფასოვნად არ შეესაბამება ექიმთა მულტიფუნქციური ჯგუფის მიერ გაცემულ 2021 წლის 23 ოქტომბრის დასკვნასა და რეკომენდაციებს, ასევე არსებობს გარკვეული რისკები უსაფრთხოების თვალსაზრისით.