პროექტს, „აღმოაჩინე გურია“ ორგანიზაცია სახელმწიფო რწმუნებულის ადმინისტრაციასთან და კოლეჯ „ჰორიზონტთან“ ერთად ახორციელებს და ვილნიუსის ტურიზმის საინფორმაციო ცენტრის პროექტის „შეხვდი ადგილობრივს“ გამოცდილების გაზიარებით, რეგიონში ახალი ტურისტული სერვისების დანერგვას მოიცავს.
„აღმოაჩინე გურიას“ ფარგლებში მოხდება გიდების და მასპინძელი ოჯახების შერჩევა, რომლებიც გადამზადებას კოლეჯ „ჰორიზონტში“ გავლიან. დაინერგება ტურისტების და გიდების დამაკავშირებელი ნოვაციური ინსტრუმენტები. სიახლეს წარმოადგენს, ასევე, „მასპინძელი სახლების“ შერჩევა-ჩამოყალიბება, რომლებიც ტურისტებს განსხვავებულ, ადგილობრივების წეს-ჩვეულებებზე და ცხოვრების სტილზე დაფუძნებულ, ავთენტურ მასპინძლობას გაუწევენ.
პროექტის სამუშაო ჯგუფმა, პროექტის დირექტორის – ავთანდილ გველებიანის, კოლეჯ „ჰორიზონტი“-ს დირექტორის – ნანა ჯოლიას, გაეროს განვითარების პროგრამის კოორდინატორის – გვანცა ირემაშვილის და გურიის მხარეში სახელმწიფო რწმუნებულის ადმინისტრაციის წარმომადგენლის მონაწილეობით ვილნიუსის ტურიზმის საინფორმაციო ცენტრში, პროექტ „შეხვდი ადგილობრივის“ მმართველ გუნდთან და პროექტის მონაწილე ახალგაზრდებთან შეხვედრები გამართეს. შეხვედრაზე პროექტის განხორციელების დროს წარმოქმნილ გამოწვევებზე ისაუბრეს და შეთანხმდნენ, რომ ვილნიუსის ტურიზმის საინფორმაციო ცენტრი და „აღმოაჩინე გურია“ განაგრძნობენ ურთიერთანამშრომლობას ტურიზმის სფეროში საინტერესო და ნოვაციური გამოცდილების გაზიარების მიზნით, რაც ხელს შეუწყობს რეგიონში ტურიზმის განვითარებას, ტურიზმის სექტორში ახალი სერვისების დანერგვას და გაზრდის უცხოელი და ადგილობრივი ტურისტების ინტერესს გურიაში.
Loading ...
