საქართველოს პარლამენტის წინ მიმდინარე ხალხმრავალ აქციაზე გამოსვლები დასრულდა, თუმცა აქციის მონაწილეები ტერიტორიაზე რჩებიან. ისინი ღამეს რუსთაველზე გაათევენ.
აქცია „სირცხვილიას“ ორგანიზატორებმა განაცხადეს, რომ შემდეგი ნაბიჯი იქნება ის, რომ 18 ნოემბერს პარლამენტარებს არ ჩაატარებინონ სამ საათზე დანიშნული ბიუროს სხდომა.
„ეს არის პირველი ნაბიჯი იმისკენ, რომ ივანიშვილს ხელის კანკალით მოუწიოს ჩვენთვის ამ ქვეყნის გასაღების ჩაბარება, ამისთვის კი გვჭირდება, რომ პროტესტი გაგრძელდეს“, – განაცხადა აქციის ბოლოს ზუკა ბერძენიშვილმა.
მისი განცხადებით, ის, რაც მოხდა, იყო „ივანიშვილის ბოლო ტრიუკი“. მეტად ის მათ მოტყუებას ვეღარ შეძლებს.
„გადამგდების გადაგდების დრო ჩაირთო“ – განაცხადა ზუკა ბერძენიშვილმა.
აქციის ორგანიზატორების თქმით, ისინი პარლამენტთან დააწესებენ 24 საათიან მორიგეობას. საკანონმდებლო ორგანო პიკეტირებული იქნება მანამ, სანამ მათი მოთხოვნები არ იქნება დაკმაყოფილებული.
მოთხოვნა კი ვადამდელი საპარლამენტო არჩევნების პროპორციული წესით ჩატარებაა.
www.radiotavisupleba.ge
Loading ...