უკრაინის პრეზიდენტის, ვოლოდიმირ ზელენსკის თქმით, უკრაინის შეიარაღებულმა ძალებმა სამხრეთით ორი, აღმოსავლეთით კი ერთი დასახლების ოკუპანტებისგან გათავისუფლება შეძლეს.
ზელენსკიმ კონკრეტული ტერიტორიები არ დაასახელა, თუმცა აღნიშნა, რომ უკანასკნელ სამხედრო შეხვედრაზე უკრაინის მთავარსარდლისა და დაზვერვის ხელმძღვანელისგან “კარგი ანგარიში მიიღო”.
ყოველდღიურ ვიდეომიმართვაში ზელენსკიმ აღმოსავლეთ დონეცკის რეგიონის დასახლების, ასევე აღმოსავლეთით ლისიჩანსკი-სივერსკის მიმდებარე ტერიტორიისა და ორი სამხრეთ დასახლების გათავისუფლებისთვის უკრაინის სამხედრო ძალებს მადლობა გადაუხადა.
აქამდე, უკრაინის შეიარაღებულმა ძალებმა უკრაინელებმა ხერსონთან ახლოს 4 სოფელი რუსი ოკუპანტებისგან გაათავისუფლეს. კერძოდ, გათავისუფლებულია ნოვაია დმიტროვკა, არხანგელსკოე, ტომინა ბალკა და პრავდინო. უკრაინელებმა ოკუპანტების საბრძოლო ტექნიკა გაანადგურეს, ასევე ბევრი რუსი სამხედრო ლიკვიდირებულია და ტყვედ ჩავარდა.
Loading ...
