უკრაინელმა სამხედროებმა გაავრცელეს ვიდეომიმართვა, რომელშიც ნათქვამია, რომ მათ ხარკოვის ოლქში ქალაქი ბალაკლია გაათავისუფლეს. ინფორმაცია დაადასტურა უკრაინის პრეზიდენტმა, ვოლოდიმირ ზელენსკიმაც, რომელმაც ჯარისკაცების ვიდეომიმართვა საკუთარ ტელეგრამ-არხზე გამოაქცეყნა.
“ბატონო პრეზიდენტო, ბატონო მთავარსარდალო, ხარკოვის ოლქში ქალაქი ბალაკლია კონტროლქვეშაა. ბრძანება შესრულებულია. რუსი ოკუპანტების სამხედროებმა უკან დაიხიეს. დაზვერვის მთავარი სამმართველოს სპეციალური დანაყოფი კრაკენი. დღეს, 8 სექტემბერს 16:00-ზე”. – ამბობს ვიდეომიმართვაში კრაკენის ბატალიონის სამხედრო.
“ყველაფერი თავის ადგილზე. უკრაინის დროშა თავისუფალ უკრაინულ ქალაქში თავისუფალი უკრაინული ცის ქვეშ! მადლობა! ვამაყობ! თავს გაუფრთხილდით! გამარჯვებისკენ!”. – დაწერა ვოლოდიმირ ზელენსკიმ ტელეგრამზე.
გასულ დღეებში, სამხრეთში მიმდინარე კონტრიერიშის პარალელურად, უკრაინის შეიარაღებულმა ძალებმა კონტრშეტება ბალაკლეის მიმართულებითაც დაიწყეს. ქალაქი 6 თვე ოკუპანტების ხელში იყო.
Loading ...