ვოლოდიმირ ზელენსკი – მოლაპარაკების მაგიდასთან რუსეთის პოზიციები უფრო რეალისტური გახდა

უკრაინის პრეზიდენტის, ვოლოდიმირ ზელენსკის განცხადებით, უკრაინის დელეგაციასთან შეხვედრებზე, მოლაპარაკების მაგიდასთან რუსეთის წარმომადგენლების მხრიდან უფრო რეალისტური მოთხოვნები ისმის.

მისი თქმით, იმისთვის, რომ უკრაინამ მიიღოს ის, რაც მას ეკუთვნის, საჭიროა ძალისხმევა და მოთმენა.

„ჩვენ ყველას გვინდა მშვიდობა და გამარჯვება რაც შეიძლება სწრაფად. ყოველთვის არის ასეთი განცდა, რომ სულ ცოტაც და ჩვენ მივიღებთ იმას, რაც ჩვენ გვეკუთვნის, მაგრამ საჭიროა ძალისხმევა, მოთმინება. კიდევ უნდა ვიბრძოლოთ და ვიმუშავოთ, ყველამ თავის ადგილზე. ეს მნიშვნელოვანია. მძიმეა, მაგრამ მნიშვნელოვანი, იმიტომ, რომ ყველა ომი სრულდება შეთანხმებით, შეხვედრები გრძელდება“,  – განაცხადა ვოლოდიმერ ზელენსკიმ.