რუსეთის პრეზიდენტი ვლადიმერ პუტინი უკრაინაში საბრძოლო მოქმედებებში მოხალისეების ჩართვის წინადადებას დათანხმდა.
მისი თქმით, თუ არსებობენ ადამიანები, რომლებსაც დონბასში მცხოვრები ადამიანების დახმარება სურთ და თანაც ანაზღაურების გარეშე, სახელმწიფო მათ საბრძოლო მოქმედებების ზონამდე მისვლაში უნდა დაეხმაროს.
„თუ თქვენ ხედავთ, რომ არიან ადამიანები, რომლებსაც მოხალისეობრივად, მით უფრო, ანაზღაურების გარეშე სურთ ჩასვლა და დონბასში მცხოვრები ადამიანების დახმარება,უნდა გადავდგათ შემხვედრი ნაბიჯები და დავეხმაროთ საბრძოლო მოქმედებების ზონამდე მიღწევაში,“- განაცხადა პუტინმა უშიშროების საბჭოს მუდმივი წევრების თათბირზე.
კრემლის ლიდერის თქმით, „დასავლელი სპონსორები“ არ მალავენ დაქირავებული მებრძოლების მობილიზებას კონფლიქტში მონაწილეობისთვის.
„ამას აკეთებენ ღიად, ყოველგვარი საერთაშორისო ნორმის დარღვევით,“- განაცხადა პუტინმა.
Loading ...