ვის რა საპრიზო თანხა ერგო მსოფლიო ჩემპიონატიდან

2022 წლის მსოფლიოს ჩემპიონატი დასრულდა, სადაც ფინალში არგენტინის ნაკრებმა საფრანგეთი პენალტების სერიაში ანგარიშით 4-3 დაამარცხა.
აღსანიშნავია, რომ FIFA-ს ტურნირისთვის 440 მილიონი დოლარი ჰქონდა გამოყოფილი, საიდანაც გამარჯვებულმა გუნდმა არგენტინამ 42 მილიონი დოლარი მიიღო, რაც რეკორდული მაჩვენებელია. შედარებისთვის, 2018 წლის ჩემპიონმა საფრანგეთმა 38 მილიონი დოლარი დაიმსახურა.
ამასთან, წელს, ვერცხლის მედალოსანმა საფრანგეთმა 30 მილიონი დოლარი მიიღო, ხოლო მესამე ადგილზე გასულმა ხორვატიამ – 27 მილიონი დოლარი.
შეგახსენებთ, რომ მომავალი მსოფლიო ჩემპიონატი 2026 წელს ერთდროულად სამ ქვეყანაში – აშშ-ში, კანადასა და მექსიკაში ჩატარდება.