ვის და რამდენით გაეზარდა სოციალური პაკეტი

საქართველოშო სოციალური პაკეტის მიმღები პირებისთვის საარსებო შემწეობის მოცულობა გაიზარდა. ამის შესახებ მთავრობის დადგენილებაშია აღნიშნული.

დადგენილების თანახმად, საქართველოს ტერიტორიული მთლიანობისათვის, თავისუფლებისა და დამოუკიდებლობისათვის დაღუპულ, უგზო-უკვლოდ დაკარგულ, მიღებული ჭრილობების შედეგად გარდაცვლილთა ოჯახების კატეგორიაში შემწეობა გაიზარდა შემდეგი ქვეჯგუფისთვის:

• საბრძოლო მოქმედებებში დაღუპულთა მკვეთრად გამოხატულ შშმ მშობელს, რომელსაც დაეღუპა 3 შვილი – 734 ლარი;
• საბრძოლო მოქმედებებში დაღუპულთა მკვეთრად გამოხატულ შშმ მშობელს, რომელსაც დაეღუპა 2 შვილი – 634 ლარი;
• საბრძოლო მოქმედებებში გარდაცვლილი მეომრის მკვეთრად გამოხატულ შშმ მარტოხელა მშობელს – 534 ლარი;
• საბრძოლო მოქმედების შედეგად მკვეთრად გამოხატული შშმ პირებისთვის 463 ლარი;
• საბრძოლო მოქმედებებში გარდაცვლილთა მკვეთრად გამოხატული შშმ უფროსი ასაკის მშობლის, მეუღლის ან 18 წელს ზემოთ ასაკის შვილისთვის – 434 ლარი;

დადგენილების თანახმად, სოციალური დახმარება გაიზარდა მნიშვნელოვნად და ზომიერად გამოხატული შშმ პირებისა და შეზღუდული შესაძლებლობის სტატუსის მქონე ბავშვებისთვის.

დეტალური ინფორმაციისთვის ეწვიეთ ვებგვერდს: