ცოტა ხნის წინ გავრცელებული ინფორმაციის თანახმად, ოზურგეთელი ექიმი, რომელსაც ვაქცინაცია ჩატარებული ჰქონდა, კორონავირუსით დაინფიცირდა.. აღნიშნული ინფორმაცია საზოგადოებრივი ჯანდაცვის ცენტრმა დაადასტურა. მათი ინფორმაციით ექიმს კოვიდი 2-3 დღის წინ გამოუვლინდა.
როგორც ”გურიაTV”-მ გაარკვია, მედიკოსი, რომელსაც კორონავირუსი დაუდასტურდა, კლინიკა ”მედალფას” ქირურგი ტიტე მგელაძეა. ექიმი ჩვენთან საუბრისას ამბობს, რომ ვაქცინაცია 12 დღის წინ ჩაიტარა.
– ჩემი ჯანმრთელობის მდგომარეობა დამაკმაყოფილებელია. ვიმყოფები თვითიზოლაციაში. ვაქცინაცია 12 დღის წინ ჩავიტარე. თუმცა ვინაიდან ჯერ მხოლოდ პირველი დოზა მქონდა გაკეთებული, ლოგიკურია, რომ ანტისხეულების წარმოქმნა ვერ მოესწრო. ერთი წელი შევძელი ისე მემუშავა, ვირუსი არ დამმართნოდა, მაგრამ მაინც ასე მოხდა – გვითხრა ტიტე მგელაძემ.
Loading ...