FORBES GEORGIA-ს პროექტის ”30 under 30” გამარჯვებულთა შორის ოზურგეთელი ჯაბა გველებიანი დასახელდა.
დაჯილდოების საზეიმო ცერემონიალი 7 თებერვალს, ”შერატონ მეტეხი პალასში” შედგა, სადაც Forbes Georgia-ს 2019 წლის 30 under 30- ის გამარჯვებულები იქნენ წარდგენილები.
პროექტის კონცეფცია სხვადასხვა სფეროში მოღვაწე, იმ 30 წლამდე ლიდერთა გამოვლენას გულისხმობს, რომლებიც მკვეთრად გამოხატული ინდივიდუალიზმითა და ხედვით ხასიათდებიან.
„აღნიშნული პროექტის გამარჯვებულები გამორჩეულად წარმატებული ახალგაზრდები არიან. ისინი თავიანთი ძალისხმევითა და ენთუზიაზმით აღწევენ წარმატებას და ჩვენი მომავლის ამინდს ქმნიან“, – აღნიშნეს ორგანიზატორებმა დაჯილდოების ცერემონიალზე.
ახალგაზრდა ლიდერთა 2019 წლის გამარჯვებულუბი 10 კატეგორიაში გამოვლინდნენ:
• ხელოვნება, კულტურა და სტილი
• ტექნოლოგიები
• ფინანსები
• გართობა
• წარმოება და ინდუსტრია
• მედია და მარკეტინგი
• ვაჭრობა და ელ-კომერცია
• მეცნიერება და მედიცინა
• სპორტი
• მეწარმეები
ჯაბა გველებიანი საერთაშორისო კომპანია KPMG Georgia-ს იურიდიული დეპარტამენტის უფროსია. მან ეს პრესტიჟული ჯილდო ფინანსების სფეროში წარმატებული და პერსპექტიული საქმიანობისთვის მიიღო.
Loading ...