ვიდეო – ხმაური და დაპირისპირება ოზურგეთში კონსერვატიული მოძრაობის ოფისთან

ამ წუთებში ხმაურია ოზურგეთში თაყაიშვილის ქუჩაზე კონსერვატიული მოძრაობის ოფისთან. სახლის მფლობელის შვილიშვილმა ჟურნალისტებთან განაცხადა, რომ გუშინდელი შემთხვევა კონსერვატიული მოძრაობის ოფისის მის სახლში გახსნასთან დაკავშირებით არასწორია და მან კონსერვატიული მოძრაობის ბანერი ჩამოხსნა, ხოლო მის ნაცვლად საცხოვრებელი ეზოს ჭიშკარზე საქართველოს და უკრაინის დროშები გამოფინა. თუმცა აღმოჩნდა, რომ ამ მოვლენების პარალელურად სახლში კვლავ იმყოფებოდნენ კონსერვატიული მოძრაობის წევრები და მხარდამჭერები, რომლებმაც განაცხადეს, რომ ამ ოფისიდან გასვლას არ აპირებენ. შესაბამისად აღნიშნულ პოზიციას ხმაური მოყვა და სამოქალაქო აქტივისტებსა და კონსერვატიული მოძრაობის მხარდამჭერებს შორის დაიწყო სიტყვიერი დაპირისპირება.