ვიდეო – ხმაური და დაპირისპირება ოზურგეთის საკრებულოს სხდომაზე

ოზურგეთის საკრებულოს სხდომაზე ხმაური და დაპირისპირებაა. ნაციონალური მოძრაობის წევრმა დავით მჟავანაძემ საკრებულოს თავმჯდომარის მოადგილის ლავრენტი ბიგვავას პოლიტიკური პასუხისმგებლობის საკითხი დააყენა და მისი თაბამდებობიდან გადაყენება მოითხოვა. საქმე ეხება საკრებულოს წინა სხდომას, როცა ხმაურის და დაპირისპირების დროს პოლიციამ ნავიონალური მოძრაობის დეპუტატი დავით მჟავანაძე დააკავა. მჟავანაძე ლავრენტი ბიგვავას მის დაკავებასთან დაკავშირებით ცრუ ჩვენების მიცემაში ადანაშაულებს. ქართული ოცნება ოპოზიციის ქმედებებს პოლიტიკურ კეკლუცობას და დესტრუქციას უწოდებს. ბრალდებას კი უსაფუძვლოდ მიიჩნევს. დეპუტატები დღეს 12 საკითხს განიხილავენ, მათ შორის 2022 წლის ბიუჯეტის პროექტია.