ვიდეო – როგორ გამოიყურება აფეთქების შემდეგ კოხნარის საზოგადოებრივი ცენტრი

ჩოხატაურის მუნიციპალიტეტის სოფელ კოხნარის საზოგადოებრივი ცენტრი წუხელ, გაურკვეველი ასაფეთქებელი ნივთიერებით ააფეთქეს. გამოძიებისთვის უცნობმა პირებმა,გავრცელებული ინფორმაციით, აქ მდგარი “ლიბერთის” ბანკომატიდან, ფული, დაახლოებით 10 000 ლარი წაიღეს. შემთხვევა წუხელ, 23:00 საათზე მოხდა და აფეთქების ხმა იმდენად ძლიერი იყო, რომ მთელმა სოფელმა გაიგონა. შედეგად დაზიანდა შენობის შესასვლელი ნაწილი, ჭერი და კედლები. საქმეზე გამოძიება სისხლის სამართლის კოდექსის 187-ე მუხლით არის დაწყებული, რაც ნივთის განზრახ დაზიანებას გულისხმობს.