ვიდეო – ”მომშორდით…ნუ მიღებთ” – ფულის გადაცემის სავარაუდო ფაქტები შემოქმედის საარჩევნო უბანთან

ვიდეო, რომელშიც მამაკაცი, სავარაუდოდ, უბანზე ფულის მიღებას ადასტურებს, სოფელ შემოქმედშია გადაღებული.

ახალგაზრდა მამაკაცი, სახელად ლაშა, რომელიც ვიდეოში ჩანს, ფულის გადაცემას არ ადასტურებს და კამერას თავს არიდებს,

ოზურგეთის მერობის დამოუკიდებელი კანდიდატის კონსტანტინე შარაშენიძის შტაბში ამბობენ, რომ ფულის გადაცემის და მოსყიდვის ფაქტები ოზურგეთის თითქმის ყველა უბანზე მიმდინარეობს. საუბარია ანასეულის, ცხემლისხიდის, ჯორჯიაშვილის ქუჩის, სოფელ ოზურგეთის და სხვა არაერთ საარჩევნო უბანზე.

დამოუკიდებელი კანდიდატი კონსტანტინე შარაშენიძე ამბობს, რომ ის რაც დღეს ოზურგეთში ხდება არჩევნებთან საერთო არაფერი აქვს.

”ქართულ ოცნებაში”, როგორც წესი, კომენტარს არ აკეთებენ და  დარღვევის აღმომჩენ პირს ტრადიციულად საარჩევნო ადმინისტრაციისთვის მიმართვას ურჩევენ.