ვიდეო – ლანჩხუთის “გურიამ” ზესტაფონი დიდი ანგარიშით დაამარცხა

საქართველოს ჩემპიონატის ლიგა 3-ის მე-9 ტურში ლანჩხუთის “გურიამ”  ზესტაფონს უმასპინძლა და  დიდი ანგარიშით დაამარცხა. პირველ ტაიმში 16′ წუთზე ალექსანდრე სულაძემ გახსნა ანგარიში, 35′ წუთზე კი თამაზ ლომსაძემ ორამდე გაზარდა სხვაობა. პირველი ტაიმი 2-0 დასრულდა გურულების სასარგებლოდ. მეორე ტაიმი საკმაოდ საინტერესო აღმოჩნდა , 51′ წუთზე თორნიკე გრიგალაშვილიმა გაიტანა რასაც მალევე 65′ წუთზე ჯუმბერ ხმელიძეს გოლიც მოჰყვა და ანგარიში ზესტაფონელებისათვის საკმაოდ დრამატული 4-0 გახდა. ზესტაფონელებმა 75′-წუთზე მაინც მოახერხეს 1 ბურთის გაქვითვა ზაზა წამალაშვილის გოლის წყალობით. 77′ წუთზე ალექსანდრე სულაძემ  პენალტი ვერ გაიტანა თუმცა ბურთი ძელს მოხვდა რასაც ზესტაფონის მეკარის  ალექსანდრე ნუცუბიძეს კურიოზული ავტოგოლი მოჰყვა. საბოლოოდ გურია – ზესტაფონის დაპირისპირების ანგარიშში 5-1 დაფიქსირდა და შესაბამისად “გურიამ” გაიმარჯვა. შემდეგ მატჩს “გურია” სტუმრად ბორჯომში გამართავს.