დღეს, შუადღით, ოზურგეთი-თბილისის მარშრუტით მოძრავი მატარებლის ერთ-ერთ ვაგონში ცეცხლი გაჩნდა. ”გურიაTV”-ის ინფორმაციით არავინ დაშავებულა. მგზავრებმა მატარებლის დატოვება შეძლეს, თუმცა ვერ მოხერხდა მათი კუთვნილი ნივთების გადარჩენა.შემთხვევა სოფელ აგარასთან მოხდა.
აღნიშნულთან დაკავშირებით საქართველოს რკინიგზა განცხადებას ავრცელებს:
”გომი-აგარას გადასარბენზე, ოზურგეთი-თბილისის მიმართულებით მოძრავი მატარებლის ერთ-ერთ ვაგონში, მოხდა დაკვამლიანება. შემთხვევის შედეგად არავინ დაშავებულა, მგზავრების ევაკუაცია განხორციელდა დროულად და ამ წუთებში საქართველოს რკინიგზა მგზავრების ალტერნატიული ტრანსპორტით გადაყვანაზე მუშაობს, გზაშია დამატებითი მატარებელი. გამომწვევი მიზეზის დადგენის მიზნით მიმდინარეობს მოკვლევა.მგზავრებს ბილეთის საფასური სრულად აუნაზღაურდებათ.” – ნათქვამია განცხადებაში.
ადგილზე მობილიზებული იყო სახანძრო, სამაშველო და სამედიცინო დახმარების ბრიგადები.
მგზავრები ალტერნატიული ტრანსპორტით დანიშნულების ადგილამდე გადაიყვანეს.
Loading ...