ვიდეო – გურიანთაში დამოუკიდებელი კანდიდატების მხარდამჭერები ”ქართული ოცნების” მხრიდან ზეწოლაზე საუბრობენ

ოზურგეთის მუნიციპალიტეტის მერობის დამოუკიდებელი კანდიდატის კონსტანტინე შარაშენიძის და გურიანთა-სოფელ ოზურგეთი – მელექედურის მაჟორიტარობის დამოუკიდებელი კანდიდატის დათა მიქელაშვილის მხარდამჭერი, სოფელ გურიანთაში მცხოვრები ნონა გოგოლაური აცხადებს, რომ მისი პოლიტიკური არჩევანის გამო სამთავრობო კანდიდატების მხარდამჭერების მხრიდან მასზე ზეწოლის მცდელობა იყო. უფრო კონკრეტულად ის მაჟორიტარობის კანდიდატის ნინო მახარაძის მხარდამჭერებზე საუბრობს.

აღნიშნულთან დაკავშირებით სატელევიზიო კომენტარს არ აკეთებს ხსენებულ მაჟორიტარულ ოლქში ”ქართული ოცნების” კანდიდატი ნინო მახარაძე. თუმცა ”გურიაTV”-თან საუბრისას აღნიშნავს, რომ ნონა გოგოლაურის ოჯახთან არანაირი პირადი პრობლემა არა აქვს და არც  აღნიშნული ინციდენტის შესახებ არის მისთვის ცნობილი.