ვიდეო – ბრაზილიის ეფექტური სტარტი მსოფლიო ჩემპიონატზე

მსოფლიოს ხუთგზის ჩემპიონმა კატარი 2022-ზე პირველი შეხვედრა სერბეთის ნაკრების წინააღმდეგ გამართა. ბრაზილიელები მატჩის პირველ ნახევარში სათამაშო უპირატესობას ფლობდნენ, მაგრამ გუნდები შესვენებაზე უგოლოდ გავიდნენ.

მეორე ტაიმი ბრაზილიელებმა უფრო აქტიურად დაიწყეს და მათი შეტევებიც სულ უფრო მწვავე ხდებოდა. ნეიმარის იერიშს 62-ე წუთზე ვინისიუსის დარტყმა მოჰყვა, რომელიც სერბეთის მეკარემ მოიგერია, მაგრამ რიშარლისონი საჭირო ადგილზე გაჩნდა და ბრაზილია წინ გაიყვანა – 1:0.

გატანილი გოლის შემდეგ, ბრაზილია კიდევ უფრო სახიფათო გახდა. 73-ე წუთზე თავი ისევ რიშარლისონმა გამოიჩინა, ვინისიუსის პასი მიმდინარე მუნდიალის ერთ-ერთ ყველაზე ლამაზ გოლად აქცია და დუბლი შეასრულა – 2:0.

https://www.youtube.com/watch?v=beKuuzaU9pM