აშშ-ის ეროვნული გვარდიის ორივე დაჭრილი წევრი დაიღუპა – ისინი დღეს ვაშინგტონის ცენტრში ჩაცხრილეს. ინფორმაციას CNN დასავლეთ ვირჯინიის გუბერნატორზე დაყრდნობით ავრცელებს.
„ამ მამაცმა დასავლეთ ვირჯინიელებმა სიცოცხლე შესწირეს სამშობლოს სამსახურს, დასავლეთ ვირჯინია არასდროს დაივიწყებს მათ სამსახურს ან მსხვერპლს და ჩვენ მოვითხოვთ სრულ პასუხისმგებლობას ამ საშინელი აქტისთვის” – დაწერა დასავლეთ ვირჯინიის გუბერნატორმა, პატრიკ მორისეიმ სოციალურ მედიაში.
თეთრ სახლთან ახლოს ეროვნული გვარდიის წევრებს ცეცხლი აშშ-ის დროით დაახლოებით 15:00 საათზე გაუხსნეს. ამ დროისთვის უცნობია, რას მოჰყვა სროლა. FoxNews-ის ცნობით, სროლის შემდეგ თეთრმა სახლმა მუშაობა დროებით შეწყვიტა. ადგილზე საგამოძიებო მოქმედებები მიმდინარეობს. ადგილობრივი პოლიციის ცნობით, დაკავებულია ერთი ეჭვმიტანილი. პოლიცია მოქალაქეებს ურჩევს, თავი აარიდონ ამ ტერიტორიაზე გადაადგილებას.
“ცხოველი, რომელმაც ეროვნული გვარდიის ორი წევრი დაჭრა, თავადაც მძიმედ არის დაჭრილი, მაგრამ მიუხედავად ამისა, ძალიან დიდ ფასს გადაიხდის…” – დაწერა ტრამპმა მომხდარზე
ეროვნული გვარდიის ჯარისკაცები ვაშინგტონში პრეზიდენტ დონალდ ტრამპის მიერ ამერიკის დედაქალაქში დანაშაულის წინააღმდეგ მიმართული ზომების ფარგლებში, უკვე რამდენიმე თვეა იმყოფებიან.
კომენტარები
Loading ...