ჩვენ სხვა არაფერი დაგვრჩენია თუ არა ის, რომ ფიზიკურად დავდგეთ აქ – რიონის ხეობა მხოლოდ კომპანია „ენკასთვის“ სრულად ბრლოკირებული იქნება, – ამის შესახებ „ნამახვანჰესის“ პროტესტის ერთ-ერთმა მონაწილემ ვარლამ გოლეთიანმა სოფელ გუმათში განაცხადა.
მისი თქმით, პროტესტის მონაწილეები არსად შეჭრას არ აპირებენ და არავისზე არ მიაქვთ იერიში.
„გადაიკეტა ამ ადგილზე ხეობა. ახლა ჩვენ გავნაწილდით გზაში და ნაწილი ხალხის ხეობაში ზემოდან შემოსასვლელს გადაკეტავს უშუალოდ სოფელ ტვიშში და ერთი ნაწილი ჩავკეტავთ გუმათში. ანუ სრულად ბლოკირებული იქნება ხეობა მხოლოდ კომპანიისთვის, მოსახლეობას არ შეეზღუდება გადაადგილება. ვიდრე ყველა ის მოთხოვნა არ დაკმაყოფილდება, რაც ჩვენ დავაყენეთ დედაქალაქში, მანამ იქნება აქ გადაკეტილი გზა და ვუზრუნველყოფთ აქ შეკრებილი საზოგადოება ამ პროცესს, რომ გზა არ გაიხსნას. აქ იქნება ჩაყენებული მანქანები და ყოველდღიურად იქნება იმ რაოდენობით ადამიანი, რა რაოდენობაც საჭიროა იმისთვის, რომ გადავკეტოთ გზა. გადაადგილება შეეზღუდება კომპანიის სატრანსპორტო საშუალებებს, ანუ ჩვენ მხოლოდ კომპანიას ვუკეტავთ გზას. აქ რომ გადაგვეკეტა მხოლოდ და ზედა ნაწილი არ გადაგვეკეტა ხეობის, ანუ რაჭიდან შემოსასვლელი ლეჩხუმში შესაძლებელია დაიწყონ იქიდან სიარული, ამიტომ ორივე ნაწილი ჩავკეტეთ ზემოთაც და აქაც და არ ექნებათ მანამ გავლის საშუალება, სანამ ჩვენი მოთხოვნები არ დაკმაყოფილდება.
ჩვენ რაც მთავარია არავისზე იერიში არ მიგვაქვს, მშვიდობიანად ვმოქმედებთ. ყველა შესაძლო მცდელობა ჩვენი იმისა, რომ შეგვეჩერებინა ეს პროცესი მშვიდობიანად და გაეთვალისწინებინათ უბრალოდ ხელისუფლებას ის, რომ დანაშაული აქვთ ჩადენილი და წაეღოთ უკანონო ქმედებები უკან – ვხედავთ, რომ ბოლომდე ცდილობენ იმას, რომ გაიტანონ თავისი, ამიტომ ჩვენ სხვა არაფერი დაგვრჩენია თუ არა ის, რომ ფიზიკურად დავდგეთ აქ და არ მივცეთ მათ იმის შესაძლებლობა, რომ კომპანიამ გააგრძელოს მუშაობა. ჩვენ ვკეტავთ აქ გზას მხოლოდ კომპანიისთვის, ყველა შემთხვევაში აქ გავლა მოუწევთ, ამიტომ ჩვენ არ ვაპირებთ, რომ სადმე შევიჭრათ. თუკი დაგვიპირისპირდებიან და აქ გადმოვლენ, ეს ჩვენთვის უცხო არ არის“, – განაცხადა გოლეთიანმა.
Loading ...
