ვარკეთილში ხანძრის ლოკალიზება ჯერ ვერ ხერხდება

ვარკეთილში, შერეულ ბაზრობაზე ცეცხლის ლოკალიზება ამ დრომდე ვერ ხერხდება. ადგილზე 20-ზე მეტი სახანძრო-სამაშველო ბრიგადაა მობილიზებული.

ტერიტორიაზე უსაფრთხოების მიზნით გათიშულია ელექტროენერგია. ახლომდებარე კორპუსებიდან მოსახლეობა გაიყვანეს.

ხანძარი დაახლოებით ერთი საათის წინ გაჩნდა.

საგანგებო სიტუაციების მართვის სამსახურის თბილისის მთავარი სამმართველოს უფროსის ოთარ კერესელიძის განცხადებით, ვარკეთილის შერეულ ბაზრობაზე საკმაოდ დიდი ფართობი იწვის.

როგორც მან ჟურნალისტენბს განუცხადა, ადგილზე მობილიზებულია 21 სახანძრო-სამაშველო ცისტერნა, თუმცა დამატებითი ჯგუფები ასევე მოდიან რუსთავიდან და წყნეთიდან.

“მეხანძრე- მაშველები აკეთებენ ყველაფერს, რადგან მოხდეს ცეცხლის მაქსიმალურად მალე ლოკალიზება. ძალიან დიდი გართულებები ამ ეტაპზე არ არის,” – განაცხადა კერესელიძემ.