ვაკის პარკში არსებული მცირე კასკადისა და მრგვალი შადრევნის რეაბილიტაციის დასრულების შესახებ დედაქალაქის მერმა გუშინ, 12 ოქტომბერს ისაუბრა. კახა კალაძე ვაკის პარკში თავადაც იმყოფებოდა.
დასრულებულ სამუშაოებს ის საკრებულოს თავმჯდომარესთან, ვაკის რაიონის მაჟორიტარ დეპუტატ გიორგი ტყემალაძესთან ერთად გაეცნო.
თბილისის მერიის ინფორმაციით, ვაკის პარკის მცირე კასკადისა და მრგვალი შადრევნის სარეაბილიტაციო სამუშაოების ღირებულება 6 500 000 ლარია. ჯამში, ვაკის პარკის განახლების პროექტი, გამწვანებისა და ინფრასტრუქტურული სამუშაოების ჩათვლით, 33 000 000 ლარი დაჯდა.
შეგახსენებთ, ვაკის პარკის შადრევანში დღეს სამ ბავშვს დენმა დაარტყა. ერთი მოზარდი საავადმყოფოში გარდაიცვალა.
კომენტარები
Loading ...